Charter Document - 03440359
| Charter Number: | 03440359 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1289 |
| Date type: | Internal, A.D., Episcopal |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Radulphus permissione divina Norwicensis minister humilis salutem in Domino sempiternam Considerantes bone memorie Rogerum episcopum Norwicensem predecessorem nostrum ad dignos hospitalitatis fructus in ecclesia nostra Norwycensi faciendos ecclesiam sancti Gregorii in Norwico in qua religiosi viri prior ecclesie sancte Trinitatis de Norwico et eiusdem loci conventus ius optinent patronatus cedente vel decedente rectore eiusdem eisdem priori et conventui et eorum successoribus in proprios usus concessisse advertentes tamen evidenter exilitatem fructuum seu bonorum ad infirmantium ecclesie nostre Norwycensis monachorum sustentationem spectantium cum eisdem infirmis prebere presidium caritas iubeat et pietas interpellet predictam ecclesiam sancti Gregorii magistro Andrea de Giselham eiusdem ecclesie rectore viam universe carnis nuper ingresso certis ex causis eisdem priori et conventui et eorum successoribus ad usus infirmorum prenotatorum in proprios usus tenore presentium perpetuo concedimus possidendam et eosdem in ecclesie memorate corporalem induci fecimus possessionem salvis in omnibus Norwycensis ecclesie iure et dignitate In cuius rei testimonium presentibus sigillum nostrum apponi fecimus Data apud Thorp iiii idus Septembris anno Domini millesimo CC octogesimo nono et pontificatus nostri anno primo