Charter Document - 03440355
| Charter Number: | 03440355 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1289 |
| Date type: | Assigned |
| Resource Link(s): |
|
Charter:
Dominus episcopus concessit et dedit Iohanni filio Simonis le Mercer de Norwico et heredibus suis et assignatis pro centum solidis argenti quos predicto episcopo dedit pre manibus unum mesuagium cum edificiis et pertinentiis in Norwico quod quondam fuit Hildebrondi le Mercer in Cunesford videlicet illud mesuagium totum quod Robertus de Dalby et Katerina uxor sua tenuerunt de magistro hospitalis de Hildebrond in parochia sancti Edwardi cuius caput occidentale abuttat super viam regiam et aliud caput super communem ripam habendum et tenendum dicto Iohanni et heredibus suis vel assignatis de predicto domino episcopo et successoribus suis episcopis Norwicensibus bene quiete et hereditarie inperpetuum reddendo inde annuatim hospitali dicti domini de Hildebrond in Norwico et magistro eiusdem qui pro tempore fuerit octo solidos et sex denarios sterlingorum ad quatuor anni terminos usuales pro omni servitio consuetudine et demanda Et magister hospitalis predicti qui pro tempore fuerit de consensu predicti domini episcopi et successorum suorum warantizabit acquietabit et defendet predictum mesuagium cum suis pertinentiis dicto Iohanni et heredibus suis et assignatis contra omnes homines pro predicto servitio inperpetuum Et inde tradit predictus attornatus cartam predicti episcopi magno sigillo suo sigillatam una cum sigillo Thome de Mutford magistri hospitalis predicti