Charter Document - 03440353

Universis Cristi fidelibus ad quod presentes litere pervenerint Radulphus permissione divina Norwycensis episcopus salutem in Domino sempiternam Ad universitatis vestre notitiam tenore presentium volumus pervenire quod nos paupertatem et depressionem religiosarum mulierum abbatisse et monialium domus de Marham que super exili substantia est fundata notorie attendentes ac hospitalitatis beneficia et pias elemosinas pauperibus ad domum predictam confluentibus caritative hactenus inpensa diligenter advertentes huiusmodi consideratione inducti ecclesiam de Stowe Bidon ad presens vacantem cuius ius patronatus et presentatio ad dictas religiosas pertinere dinoscitur divine caritatis intuitu et pretactis necessitate et utilitate sua suadentibus predictis abbatisse et monialibus ac domui de Marham pontificali auctoritate appropriamus et in proprios et pios ipsius domus usus concedimus convertendam et convertimus inperpetuum possidendam salva competenti vicaria quam ordinamus et consistere volumus ac decrevimus in omnibus minutis decimis oblationibus obventionibus ac omnibus proventibus ad alteragium ecclesie predicte qualitercumque spectantibus et in tota libera terra ipsius ecclesie et decima feni totius ville predicte et in sexta parte totius decime garbarum eiusdem ville de quocumque blado seu genere bladi existant in campis in autumpno percipienda que omnia et singula ex nunc percipiet et habebit Bernardus vicarius ecclesie memorate et quilibet successor ipsius eiusdem ecclesie vicarius Predicte autem abbatissa et moniales et earum successores percipient et habebunt quinque partes totius decime dicte ville de quocumque blado seu genere bladi existant Decrevimus etiam et ordinamus quod singulis annis ante collectionem alicuius decime servientes et carectarii dictarum abbatisse et monialium iurent tactis sacrosanctis ewangeliis in ecclesia predicta aliquo die festivo coram vicario qui pro tempore fuerit et parochianis eiusdem quod quinque partes decime predicte garbarum solummodo colligent et sextam partem in quocumque genere bladi integraliter et sine diminutione et dampno ad opus vicarii dimittent et salvabunt et nullam vicario vel suis quominus huiusmodi sextam partem libere percipere colligere et reponere possint molestiam nec impedimentum aliquid inferrent vel gravamen Carectarii autem et servientes vicarii qui pro tempore fuerit in forma predicta simile sacramentum pro quinque partibus decime predicte garbarum nomine abbatisse et monialium libere percipiendi et salvandi prestare teneantur Sustinebunt autem et subibunt vicarius qui nunc est et successores sui omnia onera ordinaria debita et consueta et libros et ornamenta invenient et reficient suis sumptibus prout decens fuerit et oportunum Dicte autem abbatissa et moniales et earum succesores cancellum ecclesie predicte et fenestras eiusdem tam reparando quam construendo sustinebunt et reficient prout decet Onera vero extraordinaria dicte ecclesie rectoriam et vicariam contingentia sustinebunt abbatissa et moniales et vicarius pro rata suarum portionum Reservamus insuper nobis et successoribus nostris per decretum potestatem et facultatem liberam cohercendi per quamcumque censuram ecclesiasticam abbatissam et moniales de Marham et vicarium dicte ecclesie eorum ministros et servientes contra dictam ordinationem nostram in toto vel in parte qualitercumque venientes vel eam quoquomodo impedientes quotiens et quando expediens fuerit de consensu et voluntate expressa dictarum abbatisse et monialium pro se et successoribus suis et vicarii predicti pro se et suis succedentibus hanc nostram reservationem et decretum huiusmodi unanimiter acceptantium et voluntarie approbantium Cuius rei memoriam certitudinem et fidem presens scriptura sigilli nostri roborata munimine cunctis eam insinuet inspecturis Dat apud Geywod pridie idus Martii anno Domini MCC nonagesimo quinto et consecrationis nostre octavo