Charter Document - 03440351
| Charter Number: | 03440351 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1288 - 1289 |
| Date type: | Assigned |
| Resource Link(s): |
|
Charter:
Sciant presentes et futuri quod nos Radulphus Dei gratia Norwycensis episcopus assensu et voluntate Henrici prioris ecclesie sancte Trinitatis de Norwyco et eiusdem loci conventus et totius capituli concessimus dedimus et hac presenti carta nostra confirmavimus dilecto servienti nostro Willelmo Howard de Wygenh pro servitio suo quod nobis fecit quandam vacuam placiam terre nostre in burgo nostro de Lenn iacentem inter communem guteram iuxta terram abbatis de Wardon versus austrum et bretaschiam nostram versus aquilonem iuxta portum Lenn et communem viam ducentem versus eundem portum salvo nobis et successoribus nostris chimino in latitudine decem pedum inter predictam placiam et bretaschiam nostram predictam eundo circa bretaschiam predictam et extendit se illa placia versus orientem quantum se extendit mesuagium quod fuit inclusum de bretaschia nostra ex altera parte bretaschie nostre quod habuit de dono Willelmi quondam episcopi Norwycensis predecessoris nostri et usque ad aquam versus occidentem cum toto solo sabuli quod eidem placie acrescitur seu per chayas per ipsum Willelmum et heredes suos et assignatos suos levandas acrescere poterit habendam et tenendam predictam placiam cum pertinentiis suis et cum incremento soli sabuli adiacentis usque ad aquam predictam dicto Willelmo et heredibus suis et assignatis de nobis et successoribus nostris libere et hereditarie in perpetuum reddendo inde annuatim nobis et successoribus nostris duos solidos argenti de censu videlicet as festum sancti Michaelis duodecim denarios et ad Pascham duodecim denarios pro omnibus servitiis consuetudinibus exactionibus curie sectis et demandis In cuius rei testimonium huic carte nostre sigillum nostrum unacum sigillo capituli nostri Norwycensis apponi fecimus Hiis testibus Iohanne de Ispania tunc maiore Lenn Petro de Thurundeyn Iohanne Coston Adam le espicer Ricardo de Gerolveston Iohanne de Spaldingge Iohanne de Merlon Iohanne Ode Humfrido aurifabro Radulpho de Henor Willelmo de Plemestede Iohanne de Squanton Thoma de Mundeford Andrea filio Thome Howard et aliis