Charter Document - 03440350
| Charter Number: | 03440350 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Grant, Confirmation |
| Date: | 1296 |
| Date type: | Internal, A.D. |
| Resource Link(s): |
|
Charter:
Universis sancte matris ecclesie filiis ad quorum notitiam presentes littere pervenerint Radulphus permissione divina Norwycensis ecclesie minister humilis salutem in Domino sempiternam Gratum obsequium et Deo pium totiens dispendere opinamur quotiens mentes fidelium ad caritatis et pietatis opera excitamus De Dei igitur omnipotentis misericordia summe et individue Trinitatis gloriose virginis Marie beatorum apostolorum Petri et Pauli et omnium sanctorum meritis precibus confidentes omnibus parochianis nostris et aliis quorum diocesani hanc nostram indulgentiam ratam habuerint de peccatis suis vere contritis penitentibus et confessis qui pro anima domini Iohannis de Tudenham militis cuius corpus in ecclesia fratrum de monte Carmeli Lenn nostre dyocesis requiescit orationem dominicam cum salutatione beate Marie virginis devote dixerint mente pia quadraginta dies de iniuncta sibi penitentia misericorditer relaxamus In cuius rei testimonium sigillum nostrum presentibus est appensum Dat apud Suthlenn iiii idus Ianuarii anno Domini millesimo ducentesimo nonogesimo quinto