Charter Document - 03440331
| Charter Number: | 03440331 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1299 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino suo reverendo domino Edwardo Dei gratia regi Anglie illustri domino Hibernie et duci Aquitan Radulphus permissione divina Norwicensis ecclesie minister salutem in eo per quem reges regnant et principes dominantur Cum Ricardus dictus Swyn de Swanton capellanus nostre dioecesis auctoritate nostra ordinaria propter suam contumaciam multiplicatam pariter et offensam manifestam maioris excommunicationis sententia sit innodatus et in eadem per quadraginta dies et amplius perseveraverit et adhuc perseverare non formidet animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato Valeat et vigeat excellentia vestra per tempora prospera et longeva Datum apud Geywode iii nonas Martii anno Domini MCC nonagesimo octavo