Charter Document - 03440328
| Charter Number: | 03440328 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1298 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino suo reverendo domino Edwardo Dei gratia regi Angl illustri domino Hibern et duci Aquit R permissione divina Norwicensis ecclesie minister salutem in eo per quem reges regnant et principes dominantur Cum magister Iohannes de Saxham Godefridus filius Gilberti de Alneto capellanus et Ricardus de Alneto executores testamenti Gilberti de Alneto nostre diocesis auctoritate nostra ordinaria propter eorum contumacias multiplicatas pariter et offensas manifestas maioris excommunicationis sententia sint innodati et in eadem per quadraginta dies et amplius perseveraverint et adhuc perseverare non formident animis induratis claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Vigeat et valeat excellentia vestra per tempora semper prospera et longeva Dat apud Suth Elmham pridie kalendas Augusti anno Domini MCC nonagesimo octavo