Charter Document - 03440323
| Charter Number: | 03440323 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1294 |
| Date type: | Internal, A.D. |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl domino Hibern et duci Aquit Radulphus permissione divina Norwycensis ecclesie minister humilis salutem in eo per quem reges regnant et principes dominantur Cum Iohannes de Buxale de Ratlesden Friotus molendinarius de Parva Fyneberg Ricardus Hard de Thorendon [et] Nigellus Ailborn de Bradele Maiora nostre diocesis auctoritate nostra ordinaria propter suam contumaciam multiplicatam et offensam pariter manifestam maioris excommunicationis sententia sint innodati et in eadem per quadraginta dies et amplius perseveraverint et adhuc perseverare non formident animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia nil habeat ultra quid faciat in hac parte celsitudinem vestram regiam rogamus quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat excellentia vestra semper in Domino Dat apud Northelmham ii idus Iunii anno Domini MCC nonagesimo quarto