Charter Document - 03440322
| Charter Number: | 03440322 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1294 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino domino Edwardo Dei gratia regi Angl illustri domino Hibern et duci Aquit Radulphus eiusdem permissione Norwycensis episcopus salutem in eo per quem reges regnant et principes dominantur Cum Willelmus de Waburne Thomas de Bayfeld et Bartholomeus de Salle clerici de morte Willelmi filii Roberti le Suur de Waburne coram domino Elya de Hauvyle et sociis suis iusticiariis vestris ad gayolam Norwici deliberandam assignatis irretiti et per eosdem tamquam clerici secundum ecclesiasticam libertatem et regni consuetudinem carceri ecclesie liberati coram nobis super hoc canonice se purgaverint serenitatem vestram regiam rogamus humiliter et devote quatinus amore Dei et sancte matris ecclesie quorum causa agitur in hac parte ballivis vestris qui res possessiones et bona predictorum Willelmi Thome et Bartholomei occasione premissa detinent occupata dare velitis vestris litteris in mandatis quod huiusmodi res possessiones et bona eisdem Willelmo Thome et Bartholomeo restituerint indilate Valeat dominatio vestra per tempora semper prospera et longeva Dat apud Blofeld xiii kalendas Maii anno Domini MCC nonagesimo quarto