Charter Document - 03440318
| Charter Number: | 03440318 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1292 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo domino Edwardo Dei gratia regi Angl illustri domino Hibern et duci Aquit R permissione divina Norwycensis ecclesie minister humilis salutem in eo per quem reges regnant et principes dominantur Cum Thomas rector ecclesie de Burgate nostre diocesis auctoritate nostra ordinaria propter suam manifestam et multiplicatam contumaciam pariter et offensam minoris excommunicationis sententia sit innodatus et in eadem per quadraginta dies et amplius perseveraverit et adhuc perseverare non formidet animo indurato claves sancte matris ecclesie dampnabiliter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato Valeat excellentia vestra semper in Domino Data apud Kers iii nonas Octobris anno Domini MCC nonagesimo secundo