Charter Document - 03440316
| Charter Number: | 03440316 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1292 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino reverendo domino Edwardo Dei gratia regi Angl illustri domino Hibern et duci Aquit Radulphus permissione divina episcopus Norwicensis salutem in eo per quem reges regnant et principes dominantur Cum Georgius de Holmo Thomas de Holmo et Iohannes Grunnbaud nostre dyocesis propter suam contumaciam pariter et offensam manifestam vinculo maioris excommunicationis per quadraginta dies et amplius dampnabiliter extiterant innodati et adhuc periculose perseverant in eadem animo pertinaci celsitudinem vestram regiam devote duximus deprecandam quatinus cum ecclesia Dei non habeat ultra quid faciat in hac parte vicecomiti vestro Norf dare velitis in mandatis ut eosdem excommunicatos capiat et in carcere vestro detineri faciat secundum ecclesiasticam libertatem donec de predictis contumacia et offensa satisfecerint et ad gremium ecclesie redierint ac absolutionis beneficium in forma iuris meruerint optinere ut quos Dei timor a malo non revocat saltem regie potestatis severitas cohibeat a peccato Valeat potestas vestra per tempora diuturna Dat apud Torp ix kalendas Aprilis anno Domini MCC nonagesimo primo