Charter Document - 03440315
| Charter Number: | 03440315 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1292 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino reverendo domino Edwardo Dei gratia regi Angl domino Hibern et duci Aquit Radulphus permissione divina Norwicensis episcopus salutem in eo per quem reges regnant et principes dominantur Cum Iohannes de Merk de Beyton nostre dyocesis propter suam contumaciam pariter et offensam manifestam maioris excommunicationis sententia extiteret innodatus et per quadraginta dies et amplius perseveraverit in eadem et adhuc perseveret claves ecclesie contempnendo dampnabiliter animo pertinaci celsitudinem vestram regiam devote requirimus et rogamus quatinus cum ecclesia Dei non habeat ultra quid faciat in hac parte vicecomiti vestro Suff dare velitis in mandatis ut eundem excommunicatum secundum ecclesiasticam libertatem capiat et in carcere vestro faciat detineri donec de predictis contumacia et offensa satisfecerit competenter et absolutionis beneficium meruerit optinere Valeat potestas vestra regia per tempora diuturna Dat apud Torp x kalendas Aprilis anno Domini MCC nonagesimo primo