Charter Document - 03440313
| Charter Number: | 03440313 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1291 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino reverendo domino Edwardo Dei gratia regi Angl illustri domino Hibern et duci Aquit Radulphus eiusdem permissione Norwycensis ecclesie minister salutem in eo per quem reges regnant et principes dominantur Quoniam Iohannes de Reynham de Holkam clericus nostre diocesis super crimine furti et roborie ad domum Gilberti Aynyld de Holkam per ipsum ut dicebatur commisso coram domino Rogero de Toftes et sociis suis iusticiariis vestris ad gayolam vestram Norwyci dudum deliberandam assignatis indictatus et irretitus ac carceri ecclesiastice iuxta libertatem ecclesie regnique consuetudinem liberatus coram nobis super hoc canonice se purgavit serenitatem vestram regiam rogamus humiliter et devote quatinus quod vestrum est ulterius in hac parte exequi dignemini cum favore Vigeat et valeat excellentia vestra regia per tempora semper prospera et prolixa Dat apud Ekles xii kalendas Decembris anno Domini MCC nonagesimo primo