Charter Document - 03440312
| Charter Number: | 03440312 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1291 - 1292 |
| Date type: | Assigned |
| Resource Link(s): |
|
Charter:
Excellentissimo domino suo reverendo domino Edwardo Dei gratia regi Angl illustri domino Hibern et duci Aquit Radulphus permissione divina Norwycensis ecclesie minister humilis salutem in eo per quem reges regnant et principes dominantur Cum Willelmus de Kokelong et Matildis uxor Willelmi de [] nostre dyocesis auctoritate nostra ordinaria propter suam manifestam et multiplicatam contumaciam pariter et offensam maioris excommunicationis sententia fuerint innodati et in eadem per quadraginta dies et amplius perseveraverint et adhuc perseverare non formident animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nichil habeat ultra quid faciat in hac parte celsitudinem vestram regiam rogamus humiliter et devote quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Vigeat et valeat excellentia regia per tempora diuturna Dat apud Norwicum [] Aprilis anno Domini MCC nonagesimo primo