Charter Document - 03440311
| Charter Number: | 03440311 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1290 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino reverendo domino Edwardo Dei gratia regi Angl illustri domino Hibern et duci Aquit Radulphus eadem gratia Norwicensis episcopus salutem in eo per quem reges regnant et principes dominantur Quia Reginaldus dictus le Warner de Hokeringg propter suam contumaciam multiplicatam pariter et offensam manifestam auctoritate nostra ordinaria maioris excommunicationis sententia involutus in ipsa stetit excommunicationis sententia per quadraginta dies et amplius et adhuc perseverare in eadem animo pertinaci claves ecclesie dampnabiliter contempnendo [non formidet] celsitudinem vestram regiam reverenter duximus deprecandam quatinus cum ecclesia non habeat ultra quid faciat in hac parte vicecomiti vestro Norff dare velitis in mandatis ut predictum excommunicatum secundum regni consuetudinem capiat et in carcere vestro faciat detineri donec Deo et ecclesie competenter satisfecerit et absolutionis beneficium in forma iuris meruerit optinere Valeat potestas vestra regia per tempora longa Dat apud Theford nonis Octobris anno Domini MCC nonagesimo