Charter Document - 03440303
| Charter Number: | 03440303 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Nomination |
| Date: | 1295 |
| Date type: | Internal, A.D. |
| Resource Link(s): |
|
Charter:
Universis Cristi fidelibus ad quos presentes littere pervenerint Radulphus permissione divina Norwycensis episcopus salutem in Domini sempiternam Universitati vestre tenore presentium facimus manifestum quod nos ad devotam instantiam nobilis mulieris domine Margarete de Clar comitisse Cornubie super legitimitate et natalibus Thome dicti de Bromholm qui apud Kirketon iuxta Lincoln nuper ut intelleximus in fata decessit per viros fidedignos clericos et laicos propinquos et cognatos defuncti eiusdem per quos rei veritas in premissis melius scire poterat et agnosci exquisitam et diligentem fieri fecimus inquisitionem per quam suscepimus quod quidam Rogerus Colt de Riston de quadam Yda Gocelin de Bromholm nostre diocesis predictum Thomam genuit in matrimonio inter eos legitime contracto et in facie ecclesie ut moris est solempnizato In cuius rei testimonium sigillum nostrum presentibus est appensum Datum London iiidus Augusti anno Domini MCC nonagesimo quinto