Charter Document - 03440298
| Charter Number: | 03440298 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1290 |
| Date type: | Internal, A.D., Episcopal |
| Resource Link(s): |
|
Charter:
Universis ad quos presentes littere pervenerint Radulphus permissione divina Norwycensis ecclesie minister humilis salutem in Domino sempiternam Universitati vestre notum facimus per presentes quod cum Iohannes Asseman clericus nuper coram iusticiariis domini regis de morte Iohannis filii Iohannis Page fuisset irretitus et sub certa forma quatenus seculari licuit potestati convictus quoadmodo ac demum carceri nostro liberatus iuxta libertatem et consuetudinem ecclesie Anglicane hactenus approbatam petitoque ex parte eiusdem ut ipsum ad purgationem canonicam super obiecto sibi homicidii crimine admittere dignaremur eidem a nobis concesso prehabitis solempnitatibus in hac parte requisitis a iure idem super hoc canonice se purgavit propter quod auctoritate nostra super eodem crimine pronuntiatur immunus bone ac pristine fame sententialiter restitutus In cuius rei testimonium has litteras nostras sibi fieri fecimus patentes Dat London iiii idus Martii anno Domini MCC octogesimo nono et consecrationis nostre anno primo