Charter Document - 03440297
| Charter Number: | 03440297 |
|---|---|
| Cartulary Title: | Norwich 1289-1299 Volume 41 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1289 |
| Date type: | Assigned |
| Resource Link(s): |
|
Charter:
In Dei nomine Amen Ego Radulphus Norwicensis ecclesie electus et a te reverende pater domine Iohannes Cantuariensis archiepiscope totius Anglie primas consecrandus antistes tibi sancte Cantuariensi ecclesie metropolitice et successoribus tuis in dicta ecclesia Cantuariensi canonice substituendis debitam et canonicam obedientiam reverentiam et subiectionem me per omnia exhibiturum profiteor et promitto secundum decreta Romanorum pontificum tuorumque iurium et predicte Cantuariensis ecclesie adiutor ero ad defendendum retinendum et conservandum salvo ordine meo Sic me Deus adiuvet et sancta Dei evangelia et predicta omnia subscribendo propria manu confirmo +