Charter Document - 03431202
| Charter Number: | 03431202 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Revocation |
| Date: | 1273 |
| Date type: | Internal, A.D., Calendar |
| Resource Link(s): |
Reference Document for this Embedded Document |
Charter:
Universis Cristi fidelibus ad quorum notitiam presentes littere pervenerint Walterus miseratione divina Eboracensis archiepiscopus Anglie primas salutem in Domino Noverit universitas vestra quod cum magister Willelmus de Hextilibyr officialis noster bona domini Ricardi de Midelton defuncti que habuit in ecclesia de Hemmingburg ob certas causas auctorite nostra sequestrasset et de aliqua parte eiusdem sequestri pecuniam ad opus nostrum redegisset ex tenore quorundam scriptorum autenticorum prioris et conventus Dunelmensium que nobis monstrarunt et diu obtenta consuetudine perpendimus dictum sequestrum simul et aliarum ecclesiarum sui patronatus in Houedenschyr et Aluertonschyr ad prefatos priorem et conventum de iure pertinere Nolentes igitur eorum iurisdictioni in aliquo derogare quod auctoritate nostra circa dictam sequestrationem factum fuerit revocamus et pecuniam de dicto sequestro ad opus nostrum redactam predictis priori et conventui ut ius suum restituimus sententias si que late fuerant et omnia alia occasione dicti sequestri seu violationis eiusdem secuta non tenere decernentes et ea penitus in irritum revocantes In cuius rei testimonium has litteras nostras eis fieri fecimus patentes Dat apud Wylton xviii kalendas Decembris anno Domini MCCLXX tertio