Charter Document - 03431154
| Charter Number: | 03431154 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1239 - 1243 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Cristi fidelibus ad quos presens scriptum pervenerit Symon prior Norwicensis ecclesie et eiusdem loci conventus salutem in eo qui est salus universorum Cum venerabilis pater noster Willelmus Dei gratia Norwicensis episcopus ecclesias de Neteshirde de Irstede et de Bastwik monasterio sancti Benedicti de Hulmo et fratribus ibidem Deo servientibus in perpetuam elemosinam quondam concesserit necnon venerabiles patres Thomas Dei gratia Cantuariensis archiepiscopus et W eadem gratia Norwicensis episcopus concessionem predictam duxerint confirmandam prout in scriptis eorum tam super concessione quam confirmatione confectis que evidenter inspeximus plenius continetur nos quod a predictis patribus in hac parte factum est pio religionis favore acceptantes unanimi voluntate et assensu confirmamus presens scriptum sigilli nostri appositione roborantes Valeat universitas vestra in Domino