Charter Document - 03431108
| Charter Number: | 03431108 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1266 |
| Date type: | Internal, A.D. |
| Resource Link(s): |
|
Charter:
Excellentissimo domino Henrico Dei gratia illustri regi Anglie domino Hybernie et duci Aquitannie Rogerus miseratione divina Norwycensis episcopus salutem cum omni reverentia obsequio et honore Cum Henricus de Mortuo Mari rector ecclesie de Burnham nostre dyoecesis in excommunicatione iam steterit per quadraginta dies et amplius et adhuc in salute sue dispendium et aliorum cum eo communicantium perseveret in eadem claves ecclesie pertinaciter contempnendo excellentie vestre supplicamus quatinus cum ecclesia Dei non habeat quid ultra faciat iuxta regni vestri consuetudinem precipiatis de eodem fieri iustitie complementum ut quem Dei timor a malo non revocat saltem cohercio secularis cohibeat a peccato Valeat dominatio vestra per tempora longiora Datum apud Blafeud quinto idus Iunii anno Domini MCCLX sexto