Charter Document - 03431107
| Charter Number: | 03431107 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1274 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Universis Cristi fidelibus presentes litteras inspecturis vel audituris Radulfus de Fornham commissarius venerabilis patris domini Rogeri Dei gratia Norwicensis episcopi ad taxandum et re taxandum seu augmentandum vicarias in ecclesiis viris religiosis in dioecesi Norwicensi appropriatis salutem in Domino sempiternam Noverit universitas vestra quod cum inter religiosas mulieres priorissam et moniales de Flixton ordinis sancti Augustini que medietatem ecclesie eiusdem ville de Flixton in proprios usus optinent ex parte una et dominum Reginaldum de Hillington presbiterum perpetuum vicarium medietatis eiusdem ex altera orta esset materia questionis tandem die Lune proxima post festum Purificationis beate Virginis anno Domini MCCLXX quarto comparentibus legitime coram me partibus supradictis de assensu utriusque partis expresso portionem vicarie supradicte ordinavi in forma subscripta [] In cuius rei testimonium presenti instrumento sigillum meum apposui Datum die et loco et anno supradictis