Charter Document - 03431008
| Charter Number: | 03431008 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1269 |
| Date type: | Internal, Calendar |
| Resource Link(s): |
Reference Document for this Embedded Document |
Charter:
Omnibus Cristi fidelibus hoc presens scriptum visuris vel audituris Willelmus prior sancte Trinitatis Norwic et eiusdem loci conventus salutem in Domino sempiternam Noverit universitas vestra nos unanimi assensu concessisse et hac presenti carta nostra confirmasse Elfredo de Bromholm quandam peciam terre continentem equaliter in latitudine viginti et septem pedes iacentem in Norwico in parochia sancti Petri de Parmeteresgate videlicet inter terram nostram versus orientem et viam regiam de Cunesford versus occidentem et extendit se in longitudine a mesuagio quondam magistri Ade medici usque ad iter regium quod ducit ad ecclesiam sancti Vedasti et unam peciam terre iuxta ecclesiam nostram sancte Marie parve versus orientem continentem in longitudine viginti sex pedes et in latitudine quatuordecim pedes habendas et tenendas de nobis et successoribus nostris illi et heredibus suis et suis assignatis libere quiete bene in pace et hereditarie inperpetuum reddendo inde annuatim nobis et successoribus nostris duos solidos et tres denarios ad opus infirmarie nostre et ad corpus ecclesie sancte Marie parve sex denarios ad tres terminos videlicet ad festum sancti Michaelis novem denarios ad natale Domini novem denarios et ad Pascha novem denarios et ad corpus ecclesie sancte Marie parve as festum sancti Michaelis tres denarios et ad Pascha tres denarios et ad opus elemosinarie nostre unam libram cere ad festum sancti petri ad Vincula pro omni servitio consuetudine et demanda Et ut hec nostra concessio et presentis carte nostre confirmatio rata et stabilis permaneat presenti scripto sigillum nostrum apponi fecimus Data Norwici mense Augusti MCCLX nono