Charter Document - 03430292

Universis presentes literas inspecturis Willelmus permissione divina Norwicensis episcopus salutem in Domino sempiternam Noverit universitas vestra quod licet nos recognoverimus in cancellaria coram venerabili fratre nostro domino R Dei gratia Bathoniensi et Wellensi episcopo illustris regis Anglie cancellario nos teneri ex causa mutui Iohanni Symmonetti Ricardo Guidicionis et Bonrencino domini Walteri et aliis eorum sociis civibus et mercatoribus Lucanensibus in quinquagentis decem et septem marcis bonorum novorum et legalium sterlingorum solvendis London terminis infrascriptis videlicet ducentis et quinquagenta octo marcis et dimidia in festo purificationis beate Marie virginis proximo venturo et aliis ducentis quinquaginta et octo marcis et dimidia in festo nativitatis beatis Iohannis Baptiste proximo tunc sequenti volentes tamen dictis mercatoribus de dicto debito plenius caveri promittimus supradictis mercatoribus supradictas quinquagentas et decem et octo marcas quas confitemur et in usus et utilitatem nostram et ecclesie nostre esse conversas dare solvere et numerare London in domo eorum terminis supradictis Et si quod absit in solutionibus predictis vel earum aliqua defecerimus promittimus refundere et restaurare eisdem vel eorum alteri omnia dampna et expensas que et quas fecerint vel aliquis eorum fecerit incurrerint vel incurrerit pro defectu dicte pecunie predictis loco et temporibus non solute de quibus dictis mercatoribus vel uni eorum vel eorum aut unius eorum procuratori credi volumus per simplex verbum suum tantum sine iuramento vel alterius honere probationis Et propter hoc obligamus nos ecclesiam nostram et successores nostros et omnia bona et catella nostra ecclesie nostre Norwicensis et successorum nostrorum mobilia et immobilia ecclesiastica et mundana presentia et futura ubicumque inventa fuerint eisdem mercatoribus et cuilibet de societate eorum distringenda per dominum regem Anglie et quemcumque alium de ipsius mandato usque ad solutionem plenariam et satisfactionem omnium et singulorum premissorum Et renuntiamus in hiis omni iuris auxilio canonici et civilis constitutioni de duabus dietis in concilio generali conventioni iudicum et locorum contradictioni literarum apostolicarum exceptione non mutuate et non numerate nobis dicte pecunie et omnibus aliis exceptionibus iuribus et defensionibus que nobis prodesse poterunt et dictis mercatoribus vel aliquo premissorum et iuri dicenti generalem renuntiationem non valere Dat [] apud Laveham sexto kalendas Iulii anno Domini millesimo CCLXXX