Charter Document - 03430287
| Charter Number: | 03430287 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1288 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quorum notitiam presens scriptum pervenerit Willelmus miseratione divina Norwycensis episcopus salutem in Domino sempiternam Noverit universitas vestra nos concessisse et presenti scripto confirmasse ecclesie sancte Trinitatis Norwyc et priori et conventui eiusdem loci et eorum successoribus inperpetuum unam peciam terre que iacet inter viam publicam ex parte australi et murum cimiterii ecclesie sancte Margarete Lenn ex parte aquilonari et abuttat super communem viam versus prioris Watergate ex parte occidentali et super terram dicti prioris ex parte orientali tenendam et habendam predictam peciam terre de nobis et successoribus nostris libere quiete bene et in pace inperpetuum reddendo inde annuatim nobis et successoribus nostris duodecim denarios ad quatuor anni terminos in villa Lenn usuales pro omnibus servitiis consuetudinibus et demandis Et nos et successores nostri warantizabimus adquietabimus et defendemus predictam peciam terre cum tota longitudine et latitudine sicut predictum est predicte ecclesie sancte Trinitatis priori et conventui eiusdem loci et eorum successoribus inperpetuum contra omnes In cuius rei testimonium presenti scripto sigillum nostrum fecimus apponi Hiis testibus Petro de Tornedene tunc maiore Lenn Roberto de Londr tunc aldemanno Iohanne de Hispania Ada le Spicer Willelmo de Lyndeseie Ricardo Seful Ricardo de Gerleston Iohanne Biscop Roberto clerico et aliis