Charter Document - 03430286

Universis Cristi fidelibus hoc presens scriptum visuris vel audituris Willelmus permissione divina Norwycensis episcopus salutem in Cristo Noverit universitas vestra quod cum dudum inter religiosos viros priorem et conventum ecclesie nostre sancte Trinitatis Norwic rectores ecclesie de Northelmham nostre dyocesis seu ipsam ecclesiam in proprios usus optinentes ex parte una et dominum Robertum ipsius ecclesie de Northelmham vicarium ex altera quedam coram nobis suborta fuisset controversia seu questionis materia super eo videlicet quod prefati religiosi dicebant dictum vicarium et predecessores ac successores suos vicarios in ecclesia predicta ratione ample portionis vicarie eiusdem assingnate teneri et astrictos esse ex antiqua approbata et optenta consuetudine in dicta ecclesia observata ad supplectionem et refectionem cancelli ipsius ecclesie et ornamentorum eiusdem tam infra quam extra quotiens et quando in coopertura seu aliis quibuscumque refectione seu reparatione indiguerit et [ad] supportandum omnia onera eidem cancello incumbentia [sed] violatos esse dictumque cancellum per defectum ipsius Roberti vicarii in coopertura in quadam parte eiusdem minari ruinam petentes ipsum vicarium ad supplendum defectum huius cooperture per nos compelli et coherceri necnon et tam ipsum quam eius successores vicarii in vicaria supradicta ad predicti cancelli reparationem et defectus eius supplectionem cum in aliquo indigeat in premissis seu aliquo premissorum teneri et astrictos esse occasione predicta iuxta consuetudinem antedictam decerni ac compellendos fore cum indiguerit declarari compelli ac coherceri necnon et ipsos religiosos et eorum successores a premissa reparatione supplectione seu refectione immunes esse et semper exstitisse pronuntiari dictumque vicarium et eius successores in eadem quo ad premissa et alia queque onera eidem cancello incumbentia seu emergentia onerari et eisdem religiosis in omnibus iustitiam exhibere iure beneficii sibi semper salvo Super hiis omnibus et singulis habita diutina altercatione inter partes memoratas tandem placuit eisdem quod nos et magister Iohannes de Feryby officialis noster in predicto negotio summarie procedentes sine strepitu iudiciali prefatum negotium breviori modo quo sine iuri iniuria fieri poterit decidamus et illud fine debito terminemus nosque eidem negotio finem inponere volentes inquisita rei veritate premissorum de consensu partium earundem per viros fide dignos per easdem partes electos ad hoc specialiter vocatos et examinatos per quam inquisitionem notorie constabat prefatum vicarium eiusque predecessores et successores in eadem vicaria ratione ample portionis de bonis ipsius ecclesie vicarie eiusdem assingnate ad omnia onera supradicta supportanda et supplenda totaliter fuisse et esse oneratos et astrictos et huiusmodi onera semper a tempore cuius contrarii memoria non existit per se absque aliquo iuvamine dictorum religiosorum in hac parte supplevisse de bonis vicarie supradicte cumque nichil ex parte dicti vicarii propositum seu obiectum fuerit canonicum quod nostram pronunciationem debeat differre vel etiam retardare assumpto nobis prefato officiali nostro premissis consideratis ac omnibus rite peractis partibus instantibus et nostram pronunciationem expectantibus de iure peritorum nobis assidentium consilio sancti spiritus gratia invocata prefatum vicarium et successores suos vicarios in ecclesia supradicta qui pro tempore fuerint infuturum ad omnia onera supradicta eidem cancello tam infra quam extra qualitercumque incumbentia seu etiam emergentia plene supplenda et suis sumptibus perpetuis temporibus supportanda et sustinenda iuxta consuetudinem prenotatam teneri oneratos et astrictos esse decernimus et ipsos compellendos fore quotiens indiguerit declaramus prefatosque religiosos et eorum successores quo ad premissa ex nunc esse et actenus semper exstitisse immunes et exemptos sententialiter et diffinitive in hiis scriptis pronuntiamus memorato vicario et eius successoribus qui pro tempore fuerint vicarii in posterum seu premissis seu aliquo premissorum inquietare seu molestare presumat aut presumant perpetuum silentium imponentes sub pena maioris excommunicationis quam in hiis scriptis in omnes contravenientes ex nunc ex certa scientia duximus proferrendam In quorum omnium testimonium ad perpetuam rei memoriam huic instrumento ad modum cyrographi indentato sigillum nostrum ad causas et sigillum officialis ecclesie nostre Norwicensis fecimus apponi Data et acta in manerio nostro de Thorp iuxta Norwicum undecimo kalendas Octobris anno Domini millesimo ducentesimo septuagesimo septimo