Charter Document - 03430282
| Charter Number: | 03430282 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Willelmus permissione divina Norwicenssis ecclesie minister humilis salutem in Domino Mentes fidelium ad caritatis opera Deo grata cupientes propensius excitare de misericordia summe et individue Trinitatis omnipotentis Dei patris et filii et spiritus sancti gloriose virginis Marie genetricis Dei sancti Iohannis Baptiste et beatorum Petri et Pauli apostolorum et sanctorum martirum Laurentii et Thome omniumque sanctorum Dei meritis confidentes omnibus parochianis nostris et aliis quorum diocesani hanc nostram indulgentiam ratam habuerint de peccatis suis vere contritis et confessis qui ad constructionem vel sustentationem ecclesie et aliorum edificorum religiosorum virorum fratrum ordinis beate Marie de monte Carmeli apud Lenn de bonis sibi a Deo collatis pie contulerint subsidia caritatis decem dies de iniuncta sibi penitentia misericorditer relaxamus indulgentias a quibuscumque venerabilibus fratribus coepiscopis nostris catholicis ob causam predictam concessas et imposterum concedendas quantum ad nos attinet approbantes et tenore presentium ratificantes In cuius rei testimonium presentibus sigillum nostrum fecimus apponi Dat apud Thorp iuxta Norwycum xv kalendas Aprilis anno Domini millesimo ducentesimo octogesimo et consecrationis nostre anno tertio