Charter Document - 03430273
| Charter Number: | 03430273 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1283 |
| Date type: | Internal, A.D., Episcopal |
| Resource Link(s): |
|
Charter:
Universis sancte matris ecclesie filiis ad quos littere presentes pervenerint Willelmus permissione divina Norwicensis episcopus salutem in Domino sempiternam Ad universitatis vestre notitiam tenore presentium volumus pervenire quod primo die Aprilis anno Domini MCCLXX tertio comparentibus coram nobis apud Lopham per procuratores legitimos dominis Ada de Stratton rectore ecclesie de Gymyngeham ex parte una et Willelmo de Rollesby rectore ecclesie de Suthreppes ex altera ac instanter petentibus ut super quibusdam articulis in quadam ordinatione per nos facta inter eosdem omissis finaliter ordinaremus nos super hiis deliberatione habita competenti et iuribus partium ponderatis hinc inde Dei innuente clementia in premissis taliter duximus ordinandum In Dei nomine Amen Cum nos Willelmus permissione divine Norwicensis episcopus super quibusdam articulis inter dominos Adam de Stratton rectorem ecclesie de Gymyngeham et Willelmum de Rollesby rectorem ecclesie de Suthrepps hinc inde petitis super quibus in curia Cantuariensi iudicialiter procedentes se tandem nostre ordinationi arbitrio seu dicto totaliter submiserunt dudum ordinavimus reservantes nobis potestatem usque ad annum completum in huiusmodi ordinatione addendi minuendi et alia faciendi que dictam ordinationem tangere dinoscuntur prout nobis visum fuerit expedire super articulis in dicta nostrra ordinatione omissis taliter ordinamus videlicet quod dicti rectores de Gymyngeham et de Suthreppes decimam pullorum nascentium in parco et manerio de Gymyngeham inter se dividant pro equalibus portionibus rectorque de Gymyngeham duas partes decimarum vitulorum in eisdem parco et manerio nascentium percipiat et rector de Suthreppes tantummodo tertiam partem huiusmodi decimarum admittat De agnis vero et falda fiat inter eos iuxta consuetudinem patrie ita quod utrique parti inde accrescat De vitulis autem in sequestro lite inter eos pendente retentis ordinamus quod inter eosdem rectores iuxta proportiones de vitulis taxatas superius dividantur In cuius rei memoriam presenti scripto bipartito cuius una pars penes rectorem ecclesie de Gymyngham alia vero penes rectorem ecclesie de Suthreppes residet sigillum nostrum duximus apponendum Data anno die et loco predictis consecrationis vero nostre anno quinto