Charter Document - 03430272
| Charter Number: | 03430272 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Episcopal |
| Resource Link(s): |
|
Charter:
Universis Cristi fidelibus presens scriptum visuris vel audituris Willelmus permissione divina Norwicensis episcopus salutem in Domino sempiternam Noverit universitas vestra quod cum inter viros discretos et providos dominos Adam de Stratton rectorem ecclesie de Gymingham et Willelmum de Rollesby rectorem ecclesiarum de Suthreppes et de Trimingham conveniendo et reconveniendo coram iudicibus diversis super diversis articulis orta esset materia questionis tandem unanimi consensu placuit partibus quod super omnibus articulis et conventionibus inter eosdem motis nostro se supposuerent arbitrio ordinationi seu dicto prout in quadam littera inter eosdem super hoc confecta plenius continetur [] Nos tandem tam super articulis in conventione dicti domini Ade contentis quam super articulis in reconventione dicti domini Willelmi in certis per viros legales et honestos neutre parti suspectos diligentem fieri fecimus inquisitionem et inter partes memoratas dictam inquisitionem sequentes duximus ordinandum in forma subscripta videlicet quod media pars decime piscarie in Hida vel alibi in mari parochianorum de Gymingham et Trimingham de qua agitur accrescat uni parti et alia medietas alteri item quod media pars decime lactis casei buturi de bestiis pascentibus in parco de Gymingham quamdiu in eodem pascuntur solvatur uni parti et alia pars parti alteri item de decimis venationis de parco antedicto de partium consensu duximus ordinandum quod ubicumque fere bestie capte fuerint seu ceciderint in parco antedicto media pars decime ferarum captarum seu cadentium accrescat uni parti et alia medietas alteri item quoad decimam quinque acrarum terre que vocatur Aleyneswong sic duximus ordinandum quod rector de Gymingham decimas dicte terre percipiat in futurum item quoad decimam duarum acrarum terre et dimidie que vocatur Rokeslond quod rector de Trimingham percipiat duas garbas decime predicte et rector de Gymingham tertiam garbam decime terre memorate item quod rector ecclesie de Trimingham integre percipiat decimam unius pecie terre que iacet iuxta viam que ducit apud Crenelfen salva nobis potestate usque ad annum completum super dicta ordinatione addendi minuendi et alia faciendi que dictam ordinationem tangere dinoscuntur prout nobis et partibus suprascriptis visum fuerit expedire seu honestum In quorum testimonium tradidimus presentes litteras dictis partibus sigilli nostri munimine roboratas Dat apud Suthelmham vii idus Aprilis anno Domini MCCLXXX secundo et consecrationis nostre anno quarto