Charter Document - 03430265
| Charter Number: | 03430265 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Serenissimo principi domino reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis ecclesie minister humilis salutem in eo per quem reges regnant et potentes reddunt iustitiam Cum Beatricia de Kertlyng de Subir nostre diocesis auctoritate nostra ordinaria propter suam manifestam et multiplicatam contumaciam pariter et offensam maioris sit excommunicationis sententia innodata et in eadem per quadraginta dies et amplius perseveraverit et adhuc perseveret animo indurato claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictam excommunicatam per potestatem brachii secularis compescere dignemini ut quam Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat apud sanctum Edmundum ix kalendas Martii anno Domini MCCLXXX quarto