Charter Document - 03430263
| Charter Number: | 03430263 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1284 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie illustri domino Hibernie et duci Aquitannie Willelmus eiusdem permissione Norwycensis ecclesie minister salutem in eo per quem reges regnant Excellentie vestre notum facimus per presentes quod Thomas de Uphalle de Tyvetessale nostre dioecesis in comitatu Norff propter suam multiplicatam contumaciam pariter et offensam excommunicationis vinculo innodatus existet auctoritate ordinaria in quo per quadraginta dies et amplius temere perstitit et adhuc dampnabiliter perseverat claves ecclesie contempnendo ovesque eius nequiter contaminando cum mater sacrosancta ecclesia Dei ultra quid faciat non habeat in premissis vestram celsitudinem supplicamus humiliter et devote quatinus eundem compescere velitis per brachium seculare ut sic a suo crimine salubrius revocatus ad sancte matris ecclesie gremium reverteret aliisque via delinquendi in hac parte artius precludatur Valeat vestra dominatio reverenda per tempora diuturna Datum apud Hevyngham iiii kalendas Aprilis anno Domini MCCLXXX quarto