Charter Document - 03430253
| Charter Number: | 03430253 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Anglie illustri domino Hibernie et duci Aquitanniean Willelmus eiusdem permissione Norwicensis episcopus salutem in eo qui iura regnorum omnium moderatur Cum Henricus rector ecclesie de Aysshe nostre dioecesis auctoritate nostra ordinaria propter suam multiplicatam contumaciam et offensam pariter manifestam maioris excommunicationis sit sententia innodatus et in eadem per quadraginta dies et amplius perseveraverit et adhuc perseveret animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato Valeat dominatio vestra reverenda in prosperitate semper continua et sospitate longeva Datum apud Suthelmham xvii kalendas Augusti anno Domini MCC octogesimo secundo