Charter Document - 03430250
| Charter Number: | 03430250 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus eiusdem permissione Norwicensis ecclesie minister salutem in eo qui iura regnorum omnium moderatur Cum Iohannes Hirdman de Wirlyngewurth et Willelmus Hirdman de eadem maioris excommunicationis sententia propter eorum contumaciam et offensam pariter manifestam auctoritate ordinaria fuerit innodati et in eadem per quadraginta dies et amplius perseveraverint et adhuc perseverent animo indurato claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictum excommunicatum per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Datum apud Suthelmh xiiii kalendas Iunii anno Domini MCCLXXX secundo