Charter Document - 03430248
| Charter Number: | 03430248 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis ecclesie minister salutem in eo qui iura regnorum omnium moderatur Cum Gilbertus vicarius ecclesie de Tudeham nostre diocesis auctoritate ordinaria propter suam contumaciam et manifestam offensam maioris excommunicationis sententia sit innodatus et in eadem per quadraginta dies et amplius perseveraverit et adhuc perseveret animo indurato claves ecclesie contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat apud Northelmham iiii nonas Februarii anno Domini MCCLXXX primo