Charter Document - 03430247
| Charter Number: | 03430247 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus eiusdem permissione Norwicensis ecclesie minister salutem in eo qui iura regnorum omnium moderatur Cum Walterus de Elmham rector ecclesie de Shelton nostre dioecesis auctoritate ordinaria propter suam contumaciam et offensam pariter manifestam maioris excommunicationis sententia sit innodatus et in eadem per quadraginta dies et amplius perseveraverit et adhuc perseveret animo indurato claves ecclesie et ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Datum apud Hevyngeham iiii kalendas Februarii anno Domini MCC octogesimo primo