Charter Document - 03430244
| Charter Number: | 03430244 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione divina Norwicensis episcopus salutem in eo per quem reges regnant et potentiores reddunt iustitiam Cum Philippus de Elmham de Norwico Alexander Litilcope de eadem Willelmus de Sallicibus de Holcham Willelmus filius Radulphi de Swanton Iohannes Suser de Teyford et Adam Gervyse capellanus de Belhage nostre diocesis auctoritate ordinaria propter eorum manifestam contumaciam pariter et offensam maioris excommunicationis sententia sint innodati et in eadem per quadraginta dies et amplius perseveraverint et adhuc perseverent animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat Lond idibus Novembris anno Domini MCCLXXX primo