Charter Document - 03430243
| Charter Number: | 03430243 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D. |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis episcopus salutem in eo per quem reges regnant et potentes reddunt iustitiam Cum Iohannes Schacher de Eya nostre diocesis auctoritate nostra ordinaria propter suam multiplicatam contumaciam pariter et offensam pariter maioris excommunicationis sententia sit innodatus et in eadem per quadraginta dies et amplius irreverenter perseveraverit et adhuc perseveret animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat Lond iiii idus Novembris anno Domini MCCLXXX primo