Charter Document - 03430241
| Charter Number: | 03430241 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus eiusdem permissione Norwicensis episcopus salutem in eo per quem reges regnant et potentes reddunt iustitiam Cum Willelmus vicarius de Wiken Iohannes de Colkirke capellanus Nicholaus capellanus de Wulfreton Ricardus capellanus de Apelton Nicholaus capellanus de Neweton Willelmus de Sculton capellanus Willelmus capellanus omnium sanctorum de Caungeham Reginaldus capellanus de Thorp Radulphus capellanus sancti Andree de Congham Adam de Westwalton capellanus Willelmus le Paumer de eadem capellanus Ricardus capellanus de Walepol Reginaldus de Dockyng capellanus Stephanus Talp de Wygehal capellanus Thomas de Walton capellanus Benedictus capellanus de Wygehal Ricardus capellanus de eadem Martinus vicarius de Middelton Henricus le Noble clericus Galfridus de Rudham rector medietatis ecclesie de Wygehal sancti Petri Gocelinus de Walpol capellanus Iohannes Grindel capellanus Bartholomeus de Pagrave vicarius de Castelacr Adam de Snetesham capellanus Thomas Aylward de Ridon capellanus Bartholomeus de Warneles capellanus Ricardus vicarius ecclesie sancti Andree de Estwalton et Gocelinus capellanus de Walpol nostre dioecesis auctoritate nostra ordinaria propter eorum contumaciam pariter et offensam vinculo maioris excommunicationis sint innodati et in eodem per quadraginta dies et amplius perseveraverint et adhuc perseverent animo indurato claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus devote quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Data Lond ii nonas Novembris anno Domini MCCLXXX primo