Charter Document - 03430238
| Charter Number: | 03430238 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus eiusdem permissione Norwicensis ecclesie minister salutem in eo per quem reges regnant et potentes reddunt iustitiam Cum Isabella de Hapesburke de Gernemuta nostre dioecesis auctoritate nostra ordinaria maioris excommunicationis sententia propter eius manifestam et multiplicatam contumaciam pariter et offensam sit innodata et in eadem per quadraginta dies et amplius perseveraverit et adhuc perseverare non formidet animo indurato claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus quatinus dictam Isabellam per potestatem brachii secularis compescere dignemini ut quam Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Datum apud Terling ix kalendas Augusti anno Domini MCCLXXX primo et consecrationis nostre anno quarto