Charter Document - 03430236
| Charter Number: | 03430236 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus permissione divina Norwicensis episcopus salutem in eo qui regnorum omnium iura moderatur Quidam perverse voluntatis homines in ecclesia de Fileby et domibus ad ipsam spectantibus nostre dioecesis ausu sacrilegio se tenentes irreverenter nos impediunt exsequi canonicum officium in eadem quapropter celsitudinem vestram requirimus et attente rogamus quatinus secundum regni vestri consuetudinem huiusmodi vim laicum a predicta ecclesia et domibus precipere velitis amoveri Vestram incolumitatem conservet altissimus per tempora longiora Data London iii nonas Iulii anno Domini MCCLXXX primo