Charter Document - 03430228
| Charter Number: | 03430228 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis episcopus salutem in eo per quem reges regnant et potentes reddunt iustitiam Cum Willelmus le Newe de Ixwurthe familiaris Roberti de Fynyngeham magister Willelmus de Burg de Burnham Radulphus de Corton capellanus Iohannes de Denton et Cecilia uxor eius de Burnham Reginaldus Brocce Benedictus filius Stephani de Fakenham Nicholaus filius magistri Willelmi de Suthcrek Matildis relicta magistri Willelmi de eadem Willelmus Gynelond de Burnham Petrus Trenchemer et Katerina Pluman de Estrudham nostre diocesis auctoritate ordinaria propter suam multiplicatam contumaciam et offensam pariter manifestam maioris excommunicationis sententia sint innodati et in eadem per quadraginta dies et amplius perseveraverint et adhuc perseverare non formident animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat apud Northelmham iiii nonas Februarii anno Domini MCCLXXX