Charter Document - 03430224
| Charter Number: | 03430224 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis episcopus salutem in eo per quem reges regnant et potentes reddunt iustitiam Cum Petrus de Bradel Stephanus Etyrnel Adam de Oxeburg capellani Ricardus de Norwico Godardus capellanus de Cley Iohannes de Oxeburg mercator Hugo capellanus de Bodeneya Rogerus filius Clementis de Cressyngeham Walterus ad Aquam de eadem Stephanus ad Aquam de eadem Hugo le Buteler Warinus de Fuldon capellanus et Willelmus filius Alexandri de Gutherston nostre diocesis auctoritate ordinaria propter suam multiplicatam contumaciam pariter et offensam maioris excommunicationis sententia sint innodati et in eadem per triennium et amplius perseveraverint in sue salutis dispendium et adhuc perseverare non formident animo indurato claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat apud Suthelmham vii kalendas Decembris anno Domini MCC octuagesimo