Charter Document - 03430221
| Charter Number: | 03430221 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, A.D. |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis episcopus salutem in eo per quem reges regnant et potentes reddunt iustitiam Cum Iohannes le Somener de Almerton capellanus Iohannes Drake de Brandon Stephanus Durcas de Berton iuxta sanctum Edmundum Michael de Necton Iohannes Underhil de Fransham Ricardus le Claver de Thurston Galfridus Faukes de Laxefeld Rogerus Sike de Neuton Veteri Philippa de Lidgate de eadem Iohanna de Brycham Petronilla filia le servien de Batesford Iohannes de Len manens cum priore de Wermegay Henricus Tritt de Dunton capellanus Iohannes Langetot de Ikeburg Iohannes filius magistri Galfridi de Berneye Editha filia magistri Ricardi de Brampton Henricus Grint de Melton molendinarius Philippus molendinarius de Carlton Fourhowe et Willelmus Ruhold de Wiclewod capellanus nostre diocesis auctoritate nostra ordinaria propter eorum multiplicatam contumaciam pariter et offensam manifestam maioris excommunicationis sententia sint innodati et in eadem per quadraginta dies et amplius perseveraverint et adhuc perseverare non formident animo indurato claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat apud Pontefractum ii idus Augusti anno Domini MCC octuagesimo