Charter Document - 03430219
| Charter Number: | 03430219 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis episcopus salutem in eo per quem reges regnant et potentes reddunt iustitiam Cum Fyna de Aysse uxor domini Rogeri de Skernyng militis nostre diocesis auctoritate nostra ordinaria propter suam multiplicatam contumaciam pariter et offensam manifestam vinculo maioris excommunicationis sit innodata et in eadem per quadraginta dies et amplius perseveraverit claves ecclesie contempnendo et adhuc perseveret animo indurato gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictam excommunicatam per potestatem brachii secularis compescere dignemini ut quam Dei timor a malo non revocat potestatis secularis severitas cohibeat a peccato In cuius rei testimonium presentibus sigillum nostrum duximus apponendum Valeat dominatio vestra reverenda per tempora diuturna Dat apud Hoxn xv kalendas Iulii anno Domini MCCLXXX