Charter Document - 03430218
| Charter Number: | 03430218 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1280 |
| Date type: | Internal, A.D. |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Angl illustri domino Hibern et duci Aquit W perrmissione divina Norwicensis episcopus salutem in eo per quem reges regnant et potentes reddunt iustitiam Cum magister Hugo Bigod rector ecclesie de Magna Bradel Radulphus rector ecclesie de Barsham iuxta Beccles Willelmus Ruhold de Wiclewud presbiter Rogerus mercator de Bures et Amicia de Fritho nostre diocesis auctoritate nostra ordinaria maioris excommunicationis sententia sint innodati propter eorum contumaciam multiplicatam pariter et offensam et in eadem per quadraginta dies et amplius perseveraverint et adhuc perseverare non formident animo indurato claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora longiora Dat London nonis Iunii anno Domini MCC octuagesimo