Charter Document - 03430215
| Charter Number: | 03430215 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus eiusdem permissione Norwicensis episcopus salutem in eo per quem reges regnant et potentes reddunt iustitiam Cum Mathilda de Salle in Norwico et Iohannes filius eius clericus propter eorum multiplicatam contumaciam pariter et offensam sententia maioris excommunicationis auctoritate nostra ordinaria sint innodati et in eadem per quadraginta dies et amplius perseveraverint animo indurato et adhuc perseverare non formident claves ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam rogamus attente quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna In cuius rei testimonium presentibus sigillum nostrum duximus apponendum Datum apud Hevingham xii kalendas Octobris anno Domini MCCLXX nono