Charter Document - 03430211
| Charter Number: | 03430211 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, A.D., Calendar, Episcopal |
| Resource Link(s): |
|
Charter:
Excellentissimo principi domino suo reverendo domino Edwardo Dei gratia regi Angl illustri domino Hibern et duci Aquit suus W eadem gratia ecclesie Norwicensis minister salutem et salutis gaudium cum reverentia et honore Cum Iohannes de Redesham clericus pro sinistra suspicione homicidii super quo exstitit diffamatus et carcerali custodie mancipatus ac postmodum per vestre dominationis iusticiarios personam suam ab eorum examinatione evacuantes ecclesiastice libertati iuxta obtentam consuetitudinem liberatus super dicto crimine sibi imposito premissis solempnitatibus debitis in foro nostro coram nobis in forma iuris se purgaverit et sue fame pristine tandem per nos fuerit restitutus excellentissimam dominationem vestram rogandam duximus cum affectu quatinus ad honorem Dei et ecclesie reverentiam quorum causa agitur in hac parte vicecomiti Suff qui terras et possessiones dicti clerici adhuc detinet occupatas literis vestris de gratia speciali dare dignemini ut easdem sibi restituat et ipsum occasione predicta de cetero molestare aliquatenus non presumat Valeat dominationis vestre celsitudo per tempora in Domino longiora Dat apud Karleton iiii nonas Iulii anno Domini MCCLXX nono et consecrationis nostre anno secundo