Charter Document - 03430207
| Charter Number: | 03430207 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Internal, A.D., Episcopal |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Angl illustri domino Hibern et duci Aquit W permissione divina Norwicensis ecclesie minister salutem in eo per quem reges regnant et potentes reddunt iustitiam Cum Ricardus de Lenn maritus Agathe relicte quondam Galfridi Galon de Parva Hornyngesherth defuncti nostre diocesis auctoritate nostra ordinaria propter eius manifestam et multiplicatam contumaciam pariter et offensam maioris excommunicationis sententia fuerit innodatus ac in eadem per quadraginta dies et amplius perseveraverit et adhuc perseverare non formidet animo indurato gregem dominicum nequiter contaminando et claves ecclesie pertinaciter contempnendo ac ecclesia Dei nil habeat ultra quid faciat in hac parte celsitudinem vestram regiam rogamus quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato In cuius rei testimonium presentibus sigillum nostrum duximus apponendum Valeat dominatio vestra reverenda per tempora diuturna Dat apud Eccles ii idus Decembris anno Domini MCCLXX octavo et consecrationis nostre anno primo