Charter Document - 03430206
| Charter Number: | 03430206 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Internal, A.D., Calendar |
| Resource Link(s): |
|
Charter:
[Sereniss]imo principi domino suo reverendo domino E Dei gratia regi Angl illustri domino Hibern et duci Aquit W eiusdem permissione Norwicensis episcopus salutem in eo per quem reges regnant et potentes reddunt iustitiam Cum Ricardus de Langham [] nostre diocesis auctoritate ordinaria sententia maioris excommunicationis propter eorum manifestam et multiplicatam contumaciam [pariter et offensam sint innodati] et in eadem sententia per quadraginta dies et amplius perseveraverint et adhuc perseverare non formident [claves ecclesie contemptando ani] in sue salutis dispendium gregem dominicum nequiter contaminando ac ecclesia Dei nichil habeat ultra quid faciat in hac parte celsitudinem vestram regiam rogamus quatinus dictos excommunicatos per potestatem brachii secularis compescere dignemini ut quos Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat apud Hoxn xvi kalendas Decembris anno Domini MCCLXX octavo