Charter Document - 03430205
| Charter Number: | 03430205 |
|---|---|
| Cartulary Title: | Norwich 1266-1288 Volume 40 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1278 |
| Date type: | Internal, A.D., Episcopal |
| Resource Link(s): |
|
Charter:
Serenissimo principi domino suo reverendo domino Edwardo Dei gratia regi Anglie illustri domino Hibernie et duci Aquitannie Willelmus permissione divina Norwicensis episcopus salutem in eo per reges regnant et potentes reddunt iustitiam Cum Iohannes le Cuteler nostre dioecesis auctoritate nostra ordinaria sententia maioris excommunicationis nuper exstitit innodatus propter suam contumaciam multiplicatam pariter et offensam et quia in eadem per quadraginta dies et amplius stare non formidavit animo indurato claves ecclesie nequiter contempnendo per potestatem secularem captus fuit et incarceratus cumque idem deinde reversus ecclesie de tanta transgressione satisfecerit competenter que gremium non claudit postulanti et ob hoc beneficium absolutionis in forma iuris meruerit optinere celsitudinem vestram regiam rogamus attente quatinus vicecomiti London pro dicti Iohannis liberatione scribere dignemini In cuius rei testimonium presentibus sigillum nostrum duximus apponendum Valeat dominatio vestra reverenda per tempora longiora Data Glovern nonis Augusti anno Domini MCCLXX octavo et consecrationis nostre anno primo